حدث صعب مر بحياتي

السلام عليكم ورحمه الله وبركاته
هدفي من نشر القصه اول شي تذكير الخوات بالدين واهم شي الرقيه الشرعيه....
انا من ثلاث شهور مريت بتجربه جدا صعبة ,صعبة بمعنى الكلمه
من ثلاث شهور طلعت مع خواتي ,وجهتنا كانت حديقه عامه قريبه من الحي اللي اسكن فيه ,طلعنا مع العيال وضحك ولعب ,اذن المغرب وكنت على وضوء فصليت الحمد الله من خلصنا الصلاة قررنا نرجع البيت وبهالوقت طلبت من خواتي دقايق ادخل الله يعزكم دورة المياه,ماكان في احد بالحمامات دخلت ومن طلعت غسلت ايدي وانا اطالع ويهي بالمرايه صار فيني شي مثل ومضه سريعه شفتها بالمرايه,المهم خلصت ظهرت شفت خواتي شلوا الاغراض وطلعت وياهم وردينا البيت وتعشيا واموري كانت طيبه الحمدالله....
بنفس الليله رجعت بيتي مع العيال زوجي كان راجع من الدوام حطيت راسي ورقدنا .
بالليل بعد مارقدت مع زوجي جتني حاله هستيريه من صراخ وصداع وصياح من دون سبب ,مسكت زوجي خنقته من خاطري وبديت اسبه واحس بشي مش طبيعي ,لاء هاي مش انا ,بسم الله شوفيني وزوجي يحاول يهديني واحس بااني مش انا احس انه في شخص يتحكم فيني تعوذت من ابليس شليت بعمري دخلت الله يعزكم الحمام وهو ظلمه مالي رغبه افتح الليت مع اني خايفه دخل زوجي وراي ليش بالظلمه افتحي الليت ,انا مارد عليه نفس المصدومه من نفسي
خذت شور ظهرت دخلت الغرفه الثانيه فرشت السياده وتوة من دقايق بس اذن الفير صليت بالظلمه مافتحت النور وانا خايفه ارتجف وكأني لعبه بايد احد ,اتعوذت من الشيطان غلبت الخوف اللي فيني ولاء انا قوية محد يقدر علي وبيني وبين نفسي ارمس اقول من زمان ماقريت سورة البقرة رغم اني حافظتنه الحمد الله بس تذكرت انه صار لي مده ماقريت البقرة بالذات
من مسكت المصحف وبديت بالبقرة.....................................................يتبع باذن الله

الله يعينج حبيبتي خاصة لو الزوجة والأم يوم يستوي فيها شي كل البيت ينهار الأولاد والزوج وكل شي يروح .. ربي يعين كل الحريم

تسلمين فديتج ومثل ماقلتي البيت كله ينهار

حبيبتي راعية الجامي اكتبي تكملة الحدث اللي مر بحياتج ..
وكيف تخلصتي منه .

أهم شي الوحده تقرا على عمرها قبل لا تطلع من البيت .. الله يعينا على ناس ما تخاف ربها ..
كملي القصه نبا نعرف شو أستوه ! ^ـ^

جد البقرة و المعوذذات اللي كثير ما نهملها لها دور في حياتنا

بس وين التكلملة اختي ..

بانتظار التكملة عزيزتي